Son olaraq səmada milli şahinlərin manevrləri nümayiş etdirilib
Azərbaycan Silahlı Qüvvələrinin 90 illiyi münasibətilə paytaxt Bakıda keçirilən hərbi parad başa çatıb. Son olaraq səmada milli şahinlərin manevrləri nümayiş etdirilib. Təyyarələr səmada Azərbaycanın üçrəngli bayrağını tüstü şəklində çızıblar.
Paradı seyr etməyə gələn xarici qonaqlar, xarici dövlətlərin səfirləri və attaşelərinin alqış sədaları altında Azərbaycan Müdafiə Nazirliyinin hərbi orkestri vətənpərvər musiqilər ifa etməklə parada yekun vurdular.
Azərbaycan Prezidentinin hərbi paraddakı çıxışından sonra Ermənistan prezidenti belə qənaətə gəlib ki, Qarabağda hərbi əməliyyatlar günü sabah başlaya bilər
Bunu istisna etmək olmaz, çünki Azərbaycan rəhbərliyi münaqişənin hərb yolu ilə həllindən danışır
“Dağlıq Qarabağda hərbi əməliyyatlar sabah da başlaya bilər”. Bunu “Kommersant” qəzetinə müsahibəsində Ermənistan prezidenti Serj Sarkisyan Ermənistan və Azərbaycanın daima silahlanmasını, həmçinin Azərbaycanın hərbi xərclərinin artımını şərh edərkən bildirib.
"Bunu istisna etmək olmaz. Çünki, Azərbaycan rəhbərliyi münaqişənin hərb yolu ilə həllindən danışır”, deyə S. Sarkisyan qeyd edib. Ermənistan prezidenti bildirib ki, ölkədə minimum iki nəfər – ali baş komandan və müdafiə naziri hesab etməlidir ki, hərbi fəaliyyət elə sabah da başlaya bilər. Deməli, ordu döyüş qabiliyyətli olmalıdır. Sarkisyan həmçinin söyləyib ki, bütün bu 14 il “nə sülh, nə də ki müharibə” şəraiti qüvvələrin balansı sayəsində saxlanılır və şərtlərin pozulacağı təqdirdə hərbi əməliyyatların yenilənməsi istisna deyil. “Azərbaycan - hərbi xərclərinin artması ilə fəxr edən yeganə ölkədir. Əgər onlar hətta 5 dəqiqəlik də olsa, müvəffəqiyyət əldə edəcklərinə inansalar, güc yolunu seçə bilərlər”, deyə Sarkisyan bildirib. Eyni zamanda o, hesab edir ki, bu probleminin həlli yolu deyil.
“Biz hər şeyi sülh yolu ilə həll edə bilərik və biz bu barədə Sankt-Peterburqda prezident İlham Əliyevlə görüşdə də danışmışıq. Görüş konstruktiv keçmişdi. Amma bir məsələ - konstruktiv danışmaq, digər məsələ isə – konstruktiv iş görməkdir. Bir daha deyirəm: "Mən hərbi həll görmürəm. Bu, həm Azərbaycan, həm də Ermənistan üçün qırmızı xəttdir. Biz bu sərhədi keçməmək üçün bizi yaxınlaşdıran tərəfi tapmalıyıq”, deyə Sarkisyan qeyd edib. /ANS PRESS/