Məşhur serial qəhrəmanları Azərbaycana gəlir ...
Məşhur serial qəhrəmanları Azərbaycana gəlir.. Şəhrizad, Onur və Kərəm Azərbaycanın səfalı guşələrində olacaqlar
Türkiyənin məşhur “Min bir gecə” teleserialının əsas qəhrəmanları – Bərgüzar Korel (Şəhrizad), Xalid Ərgənc (Onur) və Tardu Flordun (Kərəm) Azərbaycana gələcəklər. Tanınmış sənətçi Aybəniz Haşımovanın dəvəti ilə Bakıya təşrif buyuracaq aktyorlar bir həftə ərzində Azərbaycanda qalacaqlar. Bu barədə məlumat verən Aybəniz Haşımova deyib ki, səfər sentyabrda həyata keçiriləcək: “Səfər əslində bu ilin mayında baş tutmalı idi. Mənim səfərlərim səbəbindən bu planı təxirə saldıq. Ancaq sentyabrda səfəri mütləq gerçəkləşdirəcəyik. Bu, qızım Aynişanın arzusu idi və arzunu həyata keçirməkdə mənə Məlahət Abbasova kömək etdi. Türkiyəli aktyorlarla birlikdə Məlahət xanım da Bakıya gələcək. Aynişanın atasının adı Xalid olduğu üçün o, Onur Aksal rolunu canlıandıran Xalid Ərgənci daha çox sevir”. A. Haşımova qonaqlarını Göygöl, Nabran, Şəki, Masallı və Azərbaycanın digər səfalı guşələrinə aparacağını söyləyib. O, aktyorlara İçərişəhəri və Şəki Xan Sarayını da göstərəcək.
|